تـحـذيـر لمستخدمين الـ Facebook ..!!

بينما كُنتُ أتجول في أنحاء النت الفسيحه وإذ بي أرى تحذيراً لحقون الفيس بوك
وبصراحةً لسني من متابعينه ولامُحبينه مير قلت خل انقله خبري ثلاث ارباع الشعب مسجلين فيه


الخبر يقول طالت أعماركم في طاعة الله . .


ان فيه تطبيق خبيث طلع على موقع الفيس بوك ويخلي مئات الألوف من المستخدمين يحطون
رسائل على صفحاتهم الشخصيه بدون مايدرون عشان تطيح أصدقائهم فيها بنفس الطريقه اللي هم طاحوا فيها

وهاك الرابط الخبيث أستهدف المستخدمين من خلال روابط ( Like )
(بصراحتن مدري وشو رابط الاعجاب هذا لكن اكيد اصحاب الفيس بوك أدرى بشعابها )

ومير حذرت احد الشركات من هالروابط وتقول ان مجرد انك تنقر على احد هالروابط راح ينقلك
لصفحه فاضيه ماغير كتب فيها عبارة Click here to continue
لكن الحقيقه والواقع ان هالصفحه فيها كود خبيث مخفي يسمونه iFarm
وبمجرد النقر على أية مكان بالصفحه يروح الـ iFarm ويكتب الرابط ع صفحتك عشان
يطلع لأصدقائك إنك أُعجبت بهالرابط همين هم يرعصون عليه وهكذا <~ ماسموه خبيث من عدم





اللي يشك إنه تعرض لهذه الهجمات وخلص عليه بإتباع الآتي :
أولاً : رح لآخر النشاطات اللي سويتها وتطلع عندك في شريط الأحداث همين أحذف أي حاجه تتعلق بهالروابط
ثانياً : رح بعد لصفحتك الشخصيه وأحذف كل الصفحات الجديده في قسم ( تسجيل الاعجاب و الاهتمامات )


و هذي بعض العبارات الغبيه اللي طلعت للبعض في هاك الروابط :
"LOL This girl gets OWNED after a POLICE OFFICER reads her STATUS MESSAGE."
"This man takes a picture of himself EVERYDAY for 8 YEARS!!"
"The Prom Dress That Got This Girl Suspended From School."
" This Girl Has An Interesting Way Of Eating A Banana, Check It Out!"



المصدر teedoz

ماتشوفون شر ياحقون الفيس بوك