بدون خجل هل تفعلينها ؟؟؟
2 مشترك
صفحة 1 من اصل 1
بدون خجل هل تفعلينها ؟؟؟
ღ أمـــيـــر ღ الأحد يوليو 25, 2010 12:15 pm
[center]
بدون خجل هل تفعلينها في ليلة الدخلة
أبيكم تقرأون القصة ذي, وتعطوني ردودكم ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم....
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة ... ؟؟؟؟؟؟؟؟؟؟
7
7
7
7
7
7
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........
ما هي ردودكم على ما فعله الزوج
و ماذا تفعلون لو كنتوا مكانها
تحياتي (( أمـــــــــــــــــــيــــــــــــــــــــر))
[/center]
ღ أمـــيـــر ღ- عضو متميز جدا
- عدد المساهمات : 273
تاريخ التسجيل : 19/07/2010
العمر : 34
الموقع : الرياض
الوليدي- عضو متميز جدا
- عدد المساهمات : 106
تاريخ التسجيل : 19/07/2010
رد: بدون خجل هل تفعلينها ؟؟؟
???? الجمعة أغسطس 06, 2010 4:53 pm
بصراحه لا تعليق 
اذا بقول نذل فهو نذل بمعنى كلمه نذل واذا بقول هي بنت رجال فهي بنت رجال وتستاهل كل خير
يعطيك العافيه اخوي امير انت والعروسه ,,,,بس العريس لا مالت عليه
اذا بقول نذل فهو نذل بمعنى كلمه نذل واذا بقول هي بنت رجال فهي بنت رجال وتستاهل كل خير
يعطيك العافيه اخوي امير انت والعروسه ,,,,بس العريس لا مالت عليه
????- زائر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى